«Жайлау көл» демалыс аймағы

«Жайлау көл» демалыс аймағында орналасқан Shymkent Altyn Eye — биіктігі 50 метрлік заманауи айналмалы аттракцион. Ол қала көрінісін тамашалауға мүмкіндік беретін танымал демалыс орындарының бірі.

«Жайлау көл» демалыс аймағы — Шымкент қаласының көрікті әрі заманауи демалыс кеңістіктерінің бірі. Бұл аумақта қала келбетіне ерекше сән беріп, тұрғындар мен қонақтарға сапалы демалыс ұсынатын «Shymkent Altyn Eye» аттракционы орналасқан.

Биіктігі 50 метрді құрайтын алып шолу дөңгелегі қаланың панорамалық көрінісін тамашалауға мүмкіндік беретін бірегей нысан болып табылады. Аттракцион 18 жабық кабинамен жабдықталып, бір мезетте 108 адамды қабылдай алады. Әрбір кабинада маусымдық қолайлылық қамтамасыз етілген: қыс мезгілінде жылыту жүйесі, жаз мезгілінде салқындататын желдеткіш құрылғылары орнатылған.

Аттракционның қозғалысы барысында аудио-экскурсия және ақпараттық хабарландыру жүйесі іске қосылып, келушілерге қаланың көрікті жерлері туралы мағлұмат беріледі. Бір толық айналым шамамен 15 минутқа созылады, осы уақыт ішінде Шымкенттің сәулетті келбеті 50 метр биіктіктен толықтай тамашаланады.

Биіктігі мен заманауи техникалық жабдықталуының арқасында «Shymkent Altyn Eye» аттракционы Шымкент қаласының көрнекті ойын-сауық нысандарының біріне айналған.

Аталған алып шолу дөңгелегінен бөлек, «Жайлау көл» демалыс аймағында келушілерге арналған 15-тен астам түрлі ойын-сауық элементтері қарастырылған. Бұл кешен қала тұрғындары мен қонақтарына белсенді әрі мазмұнды демалыс сыйлайтын маңызды рекреациялық орталық ретінде танылып отыр.